女梗係要「目及」啦

細個的時候鍾意「樣靚」的女仔，大啲就鍾意「腳長」的女仔，再大啲就鍾意「皮膚白滑」的女仔，再再大啲就鍾意「有胸」的女仔，再再再大啲就鍾意「有腰有臀」的女仔。呢啲係咪各位男士對女士外觀的喜好呢？我估就差唔多啦，最多係喺次序上略有不同。年紀越大，周街眺望女士外觀的態度亦越放肆，唔知又有幾多位男士有同感呢？又肯唔肯認呢？喺日常的香港社會風氣下，「目及」女似係亞叔伯們的癖好，態度亦係最狂妄放肆的一批，比人「目及」到的後生女就最鄙視呢啲叔伯，不過叔伯們一於少理，一把年紀見過甚至掂過的女人有咁多，「o靚」妹仔又有乜野咁巴之閉，有唔比亞叔「目及」的道理，阿叔咁大個人亦唔同「o靚」妹仔計較，話之你話我下流，總之就唔執輸照「目及」。年紀越大的男士們又會唔會漸漸有呢個想法？你行得出來就預左比人「目及」，你敢著我敢「目及」，窈窕淑女君子好逑，係人之常情，係人都鍾意靚野，女人亦鍾意扮靚，有靚野點解唔睇得先？睇靚野的人又點解要歸類成下流先？呢個社會係咪好神奇呢？欣賞呢個行為都被編成罪行……

有女士反影話有啲男士「欣賞」的眼神好「猥瑣」，有無女士可以為呢樣野進行定義呢？定只要男士欣賞緊的係女士臉以外而又「特出」的部位時就算係「猥瑣」？點解唔可以比男士「欣賞」的範圍闊啲呢？

孔子話「食色性也」。年紀越大我就越信。憑證就係隨住年紀欣賞女士特徵部位的轉變。起初都擔心係自己越大越「咸濕」，越大越猥瑣下流，不過聖人話我地聽其實係應該o架。後來Discovery Channel都係咁講，動物的最大本能係繁殖後代，所以年紀越大，潛意式中要繁殖的需要就越大，所以就會趨向留意異性有關生殖的部位。

所以男士們唔洗再尷尬啦，原來天性如此，大家就不妨大方啲，唔好怕比對方發現自己「目及」緊佢時嚇到縮低個頭，咁樣仲羞家。學下啲老外，比人發現之後就索性大方啲話比人知我好欣賞你，又或者笑一笑，世界可能因此而更美妙。不過留意香港都仲未解決種族歧視。