今夜很寧靜

近來的日常生活當中，間晤中就會出現一啲孤令令的晚上。夜間當然只係想休息唔做野，咁一個人唔做野好清閒的時候就會諗野，明知多野憂慮的時候就最好唔好比太多時間自己諗野。所以近牌匿埋喺屋企打機，打以前好hit的Diablo 2，都真係可以消磨好多時間，但係宜家打爆左幾次之後又覺得自己好無謂。

今晚又係一個咁的晚上，平日的我好唔願出街，就襯今晚自己有quota，想約下朋友，不過朋友們都無quota比自己。一個人喺街想過做好多野，想行街買野，又發現自己手緊無購買慾，想飲野又發現自己有揸車、又覺得自己唔太鍾意熱鬧、又覺得飲完第二日好辛苦，想單拖去clubbing「目及」女(我最期望的節目)，又覺得自己無咁喪，想約下啲比較陌生的女性朋友，又覺得自己玩唔起。

最後我一個人揸車去汀九，拎住個N82周圍影相。

一個人的時候倒喜歡這份寧靜，打開天窗看著天發呆，讓從前的金曲充斥著腦袋，沒有歧視，沒有白眼，來這裡看海的都是同道中人，沒有人想要受干擾，冷待公路上高速掠過的汽車，自己就像經已脫離一般，享受一個停滯不前的世界。